26ê hezîrane de herêma Astenga Reşe ya mabênê dewanê Şîşemzîn, Xurekana Seyîda û Xurekana Temoyî ya Geverî ya Colemêrgî de operasyono leşkerî dîyabi destpêkerdene.

Herême ra wesayîtê zirxini, helîkopter û makîneyê karî pîya bi leşkeran peyser ameyî antene la herême de semedê panc rojan şîyayîşê wareyan ame qedexekerdene.

13 kesê ke çarçeweya operasyonî de ameybî destbendkerdene ra 11 kesî ameybî veradayene. Birayî Birhat û Behçet Engudar  hema nezaret de yê.

Seba ke şiwanî ameyBî destbendkerdene nêzdîyê panc hezar pes vînî bibi. Nika rîyê qedexeyê wareyan ra şar nêeşekeno bigêro pesê xo.