Namzeta Wekîlîye ya Bedlîsî ya Partîya Çep a Keske Semra Çaglar Gokalp derheqê weçînayîşan de ANFyî rê qisey kerd.

Gokalpe da zanayene ke ê Meclîs de do bibê vengê cinî û tepişteyan. Gokalpe ard ziwan ke ê do sîstemê hemserekîye her cayê sîyasetî de bivisnê dewre. Gokalpe vat: ''Zîndanan de tecrîdêko giran û îşkenceyê sîstematîkî est ê. Ganî nê babetan de ma bi baldarî têbigêrê. Çareserîye pê qanûnanê edîl û têdûştan bena. Ma do dûştê binpaykerdişan bibê. Ma seba caardişê qanûnanê ke rûmetê merdimatîye pawenê, bixebitê.''