Dayîreyê Mehkemeya Edlîyeya Herêma Amedî cezaya ke dîyabî Vervatoxa Têgêrayîşê Cinîyan ê Azadan (TJA) Ayşe Gokkan, tesdîq kerd. Mehkemeya Cezaya Girane ya Amedî bi îdîaya 'endamîya rêxistine' 12 serran, bi îdîaya 'endamî û propagandaya rêxistine' 7 serran û 6 mengan û bi îdîaya propagandaya rêxistine 3 serran cezaya zîndanî dabî Ayşe Gokkan. Dayîreyê Mehkemeya Edlîyeya Herêma Amedî ceza tesdîq kerde.

Mehkemeya îstînafî îtîrazê avûkatan red kerd û bire daye ke mahkûmîyetê Gokkane wa dewam bikero.

2011 de Şaredara Nisêbînî ya ê çaxî Ayşe Gokkan baxçeyê Merkezê Kulturî yê Mîtanî de 'Xeyma Çareserîya Demokratîke' akerdbî. Mehkemeya tirke dima Gokkane ser o dewaya 'hetkarîya rêxistine' akerdî.

Roniştişê dewa ame kerdene. Gokkane bi rayîrê SEGBÎSî tewra mehkeme bîye. Gokkane qiseykerdişê xo de vat ke a mehkeme, heyetê ci, serekê ci û karmendê ci red kena. Gokkane vat: ''Jin, Jiyan û Azadî do nêrê muhakemekerdene.''

Mehkeme bi îdîaya 'hetkarîya rêxistine' cezaya zîndanî ya 3 serran û 9 mengan dabî Gokkane.