Dezgehê Îstatîstîkan ê Tirkîya (TUÎK) yo ke têkilîyanê ci yê bi îqtîdarî ra tira bawerîye nêna kerdene, îdîa kerd ke menga hezîrane de mîqtarê bêkarîye bîyo se ra 9,6 û gulane de zî 9,5 bibi.

Mîyanê ê kesan de ke serra înan 15 ra pîlêr a, menga gulane de mîqtarê bêkaran 3 mîlyon û 337 hezar bibi.

Goreyê TUÎKî mîqtarê camêrdanê bêkaran se ra 7,8 o û ê cinîyan zî se ra 13,2 yo.

Goreyê texmînan mîqtarê raştikên zaf zêdeyêr o. Goreyê DÎSK-ARî gulane de hûmara bêkaran 8 mîlyon û 567 hezar bîya û mîyanê bêkaran de se ra 90ê ci heqê bêkarîye nêgêno.