Badê erdlerzê Mereş û Hatayî ke bîyî sebebê rijnayîşê bi desan bajaran û mergê bi des hezaran kesan herêmê ke tede xetê fayî est ê bale ancenê xo ser. Jeolog Prof. Dr. Nacî Gorurî programêk de derheqê erdlerzanê 7,2 û 7,4î yê ke yenê pawitene de qisey kerd.

Nacî Gorurî ard ziwan ke gerek nê demî de hinda merdimî rîyê erdlerzî memirê û vat: ''Ma mabênê Çêrme Erzîngan û Kanîreşî  û mabênê Kanîreş-Çewlîg  Goynukî de erdlerzê pawenê. Yanî ma bi gîrdîya 7,2 û 7,4î de erdlerz pawenê.''

Gorurî vat: ''Îzmîr de Korfez de zî fayo gird est o. Beno ke bi girdîya 7î yan zî dahîna gird erdlerz bibo.''

Jeolog Nacî Gorurî bale ante kêmanîya derheqê erdlerzî ser û vat: ''Ez şima rê sond wenena ke eke wina şiro, seserre zî ravîyaro do erdlerz de reyna wina vînîkerdişê gan û malî bibo.''