Grevê vêşanîye yê tepişteyanê dewaya PKK û PAJKî roja 12ine de çarçewa Hemleya 'Abdullah Ocalanî rê Azadîye, Mesleya Kurdan rê Çareserîya Sîyasîye' de dewam keno.

Tepişteyanê Zîndanê Eskîşehîrî roja 12. ya grevê vêşanîye de no mesaj da: ''

''Vera Birêz Abdullah Ocalanî 25 serrî yo tecrîdêko giran yeno caardene. Tecrîdê Îmraliyî dûştê qanûnanê neteweyî û mîyanneteweyîyan o. Dezgehê sey CPTyî verê nê tecrîdî de bêveng ê. Bi taybetî nê 8 serranê peyênan de tecrîdê Îmraliyî reyde konseptê şerî vera şarî yeno caardene û krîzî bi nê hawayî benê giranêr. Seba ke komel nê krîzan ra bixeliso tek rayîr wedaritişê tecrîdî û azadîya Abdullah Ocalanî yo.

Ma sey tepişteyanê Zîndanê Eskîşehîrî nê sîstemê îşkence û tecrîdî qetî qebul nêkenê. Rayberîye raştîya ma ya. Coka ma çarçewa Hemleya 'Abdullah Ocalanî rê Azadîye, Mesleya Kurdan rê Çareserîya Sîyasîye' de 27ê teşrîna peyêne de grevê vêşanîye da destpêkerdene.

Ma venga pêro şarê xo, cinîyan, ciwanan, kedkaran, şorişgêran-demokratan danê ke tewrê hemle bibê, seba ke hemle ser bikewa destî ra çi yeno bikerê.''