Halil Yakuto ke bîlasebeb amebi tepiştene vera ci îşkence û zextê îdareyê Zîndanê Kirşehirî nêqedîyenê. 

Yakut badê hêrişê Çaglayanî seba ke xeyma hetkarîya mexduranê erdlerî yê memlekete ci Hatayî de mend amebi tepiştene û şertanê hepsê muebedî de hucre de yeno tepiştene. Yakut hetê sergardîyanî ra amebi tehdîtkerdene û vejîya werte ke hucreyê ci ameyo vetene û mîyanê tepişteyanê edlîyan de ameyo cakerdene.

Gultene Yakuta ke 19ê nîsane de telefon de lajê xo Halil Yakutî de qisey kerd da zanayene ke lajê ci semedê protestokerdişê nê caardişê keyfî kewto grevê vêşanîye yê bêdemî û vat, “Eke çîyêk bêro  lajê mi ser berpirsîyarê ci mudirê zîndanî û Wezîrîya Edaletî yê.”