Pê îfadeyê Umit Abiyikî 25ê nîsane de 128 kesî ameyî destbendkerdene û dewamê operasyonê qirkerdişê sîyasîyî de 15 kesê bînî ameyî destbendkerdene û humara destbendkerdeyan resaye 143.

Kesê ke newe ameyî destbendkerdene 24 saete înan rê pêvînayîşê avûkatan qedexe yo.  Kesê ke 25ê nîsane de ameyî destbendkerdene sewqê înan ê edlîye ewro zî dewam kerd. 11 kesî ameyî tepiştene û 12 kesî bi şertê kontrolê edlîyî ameyî veradayene. Pîya bi nê 11 kesan humara tepişteyan bîye 39.

Halîse Aksoya ke esteyê lajê ci Agît Aksoyî pê kargo ci rê ameybî şawitene û kênaya ci Mizgîn Karataş, Fikri Ay, Hilal Ada, Mehmet Yalçin, Mehmet Andok Bayram, Agit Kaysi, Alattin Zugurli, Faris Turk, Evin Doster, Nurettin Bakan badê îfadeyî sewqê Dadgerîya Ceza Sulhî bîyî û bi îdîaya "endamîya rêxitine" ameyî tepiştene.

Nasir Yilmaz, Hatip Guney, Mehmet Emin Şingar, Osman Çelik, Suzan Aksu, Hebat Mimkara, Halil Delen, Mustafa Çukur, Engin Karakoç, Eşref Yaşa, Hivda Gonenç, Ahmet Alnak, Mustafa Pektaş zî bi şertê kontrole edlîyî ameyî verdayene.

Avûkatî Resul Temur, Zozane Acar, Pirozhan Karali û Mehmet Oner, rojnamegerî Ahmet Kanbal, Osman Akin û hunermendê sinema Çinar Dogan û ê bînê ke vejîyayî edlîye muameleye înan dewam kenê.