Şaristanê Hamburgî yê Almanya de serkêşîya Meclîsê Cinîyan ê Rojbîne û Defend Rojava de hêrişê dewleta tirke yê vera wesayîtê JIN- TVyî bi mîtîngêkî ame protestokerdene.

 Mîtîng de fotografê şehîdê hêrişî Necmeddîn Feysel Hecîyî û pankarta 'Artêşa tirke ya îşxalkere destanê xo Kurdîstanî ra biancê' ameyî akerdene.

Temsîlkara Meclîsê Cinîyan ê Rojbîne Leyla Kaya mîtîng de var ke bi qetilkerdişî têkoşînê kurdan do nêqedo.

Aktîvîste Anja Flach nameyê Defend Rojava ser o qisey kerd û ard ziwan ke dewleta tirke hêrişê pêro destkewteyanê kurdan keno û hêzê ke vera nê hêrişan bêveng ê, hemkarê sûcanê dewleta tirke yê.

Mîtîng bi slogananê sey ‘’Jin, jiyan, azadî’’, ‘’Erdoganê terorîst’’ û ‘’Bijî berxwedana Rojava’’ qedîya.