Nêweşa girane Hanife Arslana 76 serrî 19 aşmî yo Zîndanê Tîpê Wanî  de yena tepiştene. Arslane rixmo extîyar  û nêweşa giran a nîna tehlîyekerdene. Avûkatanê Hanife Arslan seba ke xeylêk nêweeşîyê ci yê xidarî est ê muracat kerd ke wa cezaya ci peyde bêro eştene la heme muracatî ameyî redkerdene.

Wekîla DEM Partî Gulcane Sayyigit zîndan de Hanife Arslan zîyaret kerd. Sayyigiti vat gardîyanan Hanife Arslan pê kursîyê tekerlekinî arde û vat: ''Hanife Arslan de nêweşîye sey nêweşîya şekerî ya girane, tansîyono berz, KOAH est ê. Zanîyê ci dejenê neêşkena rayra şiro. Ganî bêro amelîyatkerdene. Seba ke zîndan de çew miqatê ci nêbeno a nêwezena amelîyat bibo. Embazê ci yê koguşî hewcedarîyanê ci yê sey xoşutiş, tuvalet û çîyanê bînan anê ca. Seba ke extîyar û nêweşa giran a, werdê zîndanî semedê aye rîsk o. Raşta zî rewşa aye zaf giran a. Her hela ke a zîndan de ya semedê ci rîsk o pîl o. Ganî cade bêro tehlîkerdene.''