Hemvervatoxanê Komîsyonê Polîtîkayabê Komelkî û Weşîye yê HDPyî Nejla Kurul û Samet Menguçî derheqê gefê vîrusê Korona de eşkerayîyêka nuştekîye weşanaye.

Eşkerayîye de ame parekerdene ke AKPyî tecrubeyanê Çînî, Koreya Başûrî û welatanê Yewîya Ewropa ra ders nêgirewt û têkoşînê vera vîrusê Korona de polîtîkayê bitesîrî lez nêvistî dewre û tebdîrî nêgirewtî.

Eşkerayîye de wina ame vatene: ''Peydakerdişê testanê tesbîtî de AKP kewt erey. Rêxistinanê komelkîyan reyde têkoşînêko hempar nêkerd.''

Ganî çi bêro kerdene?

Komîsyonî da zanayene ke ganî çi bêro kerdene

-Komîsyonê Karanê Komelî û Karî, Keyeyî û Weşîye yê Meclîsî ganî cade kom bibo

-Ganî Yewîya Tabîban ê Tirkan, Yewîya Dermanrotoxan ê Tirkan, Sendîkaya Kedkaran ê Komelkî û Weşîye û rêxistinanê bînan reyde bi koordîne vera Korona xebate bêra kerdene

-Ganî îqtîdar budçeyê weşîye zêdêr bikero

-Neweşxaneyê ke ameyî girewtene wa newe ra bêrê akerdene, testê tesbîtkerdişê Korona bêrê zêdêrkerdene, xizmetê weşîye bêpere û bi pir ziwanî bêrê kerdene.

-Hacetê pawitişî yê sey maske, lapik û kincan û hacetê pakîye personelan ra bêrê dayene.

Firsendê pakîye û weşîye cade zîndanan de bêrê viraştene.''