Vervatoxanê Komîsyonê Polîtîkayanê Weşîye û Komelkî yê HDPyî Necla Kurul û Samet Menguçî ewro eşkerayîyêke daye û vat: ''Kedkarê weşîyê yê mexdûrê KHKyî ganî abigêrê karê xo.''

Eşkerayîye de ame vatene ke: ''Rewşa sîstemê weşîye û weşîya şarî pê vîrusê Korona newe ra ameyî vîrardene. Hûmara nêweşan û mergan zaf lez zêdîyena.'' Eşkerayîye de ame vîrvistene ke 12 hezar kedkarê weşîye ameyî îxraçkerdene û ame waştêne ke nê kedkarî abigêrê wezîfeyê xo ser.

Komîsyonê Polîtîkayanê Weşîye û Komelkî yê HDPyî  bale ante rîskê zîndanan ser û vat: ''Zîndanan de ke mumkîn nîyo ke mesafeyo komelkî bêro caardene û şertê hîjyenî nênê peydakerdene,  vera tepişteyanê sîyasîyan ganî goreyê qaîdeyê 'têdûştîye' cîyatîye nêra kerdene û pêro tepişteyî kêmkerdişê înfazî ra fayde bivînê.''