Berpirsîyara Polîtîkayanê Perwerde û Kultur-Hunerî yê HDP’yî Sevtap Akdage derheqê jehrkewtişê wendakaranê Çewlîgî de eşkerayîyêk daye û nê pare kerdî:

‘‘20‘ Êlule de ame eşnawitene ke dibistana mîyanêne ya bajarekê Xoşkarî yê Çewlîgî de xeylî domanî ciwa ra ameyî jehrkewtene. La Mudirîya Pewerdeyê Neteweyî waşt ke naye sey cîyêkê nêmuhîmî ramojno. Xeberê ke medyaya sosyale de vila bîyî ra dima Walîtîya Çewlîgî mecbûr mend ke eşkerayîyê bido. La derheqê serebût û hûmara nêweşa de zanayîşê raştî nêameyî dayene. Ame zanayene ke nêwaşan ra 7 kesê ke rewşa înan giran a Nêweşxaneyê Dewlete yê Xarpêtî de beşê nêweşîya girane de yenê dermankerdene. 93 kesî zî Nêweşxaneyanê Çewlîgî de yê. Heta ke dimayê 3-4 rojan domanan muracatê nêweşxaneyî kerd îdarekarê dibistane qet xeberdar nêyî û dimayê eşkerabîyayîşê jehrkewtişî zî Wezîrîya Weşîye û Mudirîya Pewerdeyê Neteweyî çîyêk nêker o vato werte de ciwa çîn o. Ma sey HDP heme nêweşan ra şîfa wazenê û vanê ke do teqîpkarê na mesela bi.‘‘