Komîsyonê Heqanê Merdiman ê HDPyî derheqê tepiştişê namzeda Partîya Çep a Keske Aytene Donmez de eşkeraye daye û nê vatî:

“Îqtîdarê AKP-MHPyî  zano ke do binkewo coka hêrişê xo zêdînayî. Çend rojî verî bi desan bajaran de avûkat, rojnameger û hunermendî zî tede bi desan kesî destbend kerdî. Dewamê nê operasyonî de 26ê nîsane de Namzeda ma Aytene Donmez ya Kocaeli ameye tepiştene. Rixmo ke derheqê dosya ci de qerarê nimitişî bibi, hela verêne ra çapemenîye rê xeberî ameyî servîskerdene. Bi delîlanê sexteyan bi dozger û dageranê vîjnayoxan namzeda ma ameye tepiştene.

Zanayîşê ke namzeda ma kerde hedef hetê Wezîrîya Karanê Sûcî yê şima ra ameyî servîskerdene? Fotografê sexteyê ke şima servîs kerdî, yê namzeda ma nîyê. Bado ke berê eşkerakerdene nê ke nê fotografê namzeda ma nîyê, şima pêro berpirsîyarî do îstîfa bikerê? Wa no bêro zanayene ke namzeda ma Aytene  Donmez zerrîya şarê ma de wekîl a. Operasyon û kayê şima yê leyminî nêeşeknê verê ma bîgêrê."