HDPyî û Partîya Çep a Keske seba Roşanê Remezanî mesajêk weşana.

Mesaj wina yo:

''Ma nê Roşanê Remezanî hetêkî ra binê versîya dejanê pîlan, krîzanê giranan, vêşanîye û xizanîye de, hetêkê bînaî ra zî qeraxê vurîyayîş û vurnayîşî de pêşwazî kenê. Hetêkê ma şîno bêpeynî yo, hetê ma yo bîn baxçeyê wisarî yo. Ma bi hezaran kesanê ke erdlerz de dinyaya xo bedilnabî, yad kenê. Ganî ma çarçewa soz û perwerîya vîrameyîşanê înan de vurîyayîşêkê raştikênî bikerê. Nika wext wextê paştdayîş, wayîrvejîyayîş û verarşîyayîşî yo. Ma do birînanê xo bipêşê, hêvî û kêfweşîye pîya pîl bikerê.

Bi wesîleya roşanî ma venga şarê xo danê ke rixmê îqtîdarî, hîsê paştdayîşî yo ke erdlerz de vejîyabi werte, pîl bikerê û 14ê gulane de vurîyayîşêkê raştikênî bikerê. Ma eşkenê 14ê gulane seba erd û şarê xo bikerê roşananê modernan.

Ma reyna Roşanê Remezanî şaran rê fîraz kenê. Ma wazenê ke wa roşan bibo wesîleya haştîye, wayûbiratîye, têdûştîye û azadîye. Ma pê bawer ê ke nê roşanî 14ê gulane de dibare bikerê.''