Komîsyonê Huqûq û Heqanê Merdiman ê HDPyî derheqê tecrîdê vera Rayberê Şarê Kurdî Abdullah Ocalanî de eşkerayîyêke daye.

Eşkerayîye bi kilmî wina ya:

''Birêz Abdullah Ocalan 1999 ra nata hucreyê yewkesî de tepişîyeno û destûr nêdîyeno ke o keye û avûkatanê xo bivîno. 4 serrî yo Birêz Ocalan nêeşkeno avûkatanê xo bivîno. 2011 ra heta 2019î de ey teyna 5 pêvînayîşê avûkatan kerd. Rixmê keye û avûkatan hende muracatê pêvînayîşî kerd zî cewab nêdîya înan. 

Rixmo ke Komîteya Heqanê Merdiman a Neteweyanê Yewbîyayeyan û CPTyî hişyar kerd zî dewlete seba wedaritişê tecrîdî gamêke nêeşte. Tewr peyên 25ê adara 2021î de Birêz Ocalanî de keyeyê ci pêvînayîşê telefonî kerd. A roje ra nata zî tira xeberêke nêameye girewtene. 

Tecrîdê Îmraliyî dûştê qanûnanê neteweyî û mîyanneteweyîyan o û no tecrîd keyfî yo. Sîstemê tecrîdî yê dewlete meseleya kurdan, polîtîkayanê şerî kena xorinêr. Birêz Ocalan meseleya kurdan de wayîrê rolê çareserkerdişî yo. Coka ganî cade peynîya îşkence û tecrîdî bêra ardene, sere de zîyaretê avûkatan heqê tepişteyanê Îmraliyî bêrê dayene. Ganî dewlete goreyê rapporanê CPTyî û biranê Komîteya Heqanê Merdiman a NYyî têbigêra û tecrîdî biqedîna.''