Meclîsê Partîye (PM) yê HDPyî netîcenameyê kombîyayîşê xo yê 7ê tebaxe eşkera kerd.

Netîcename wina yo:

''Ma kombîyayîşêkê Partîya Meclîsî yo tarîxî kerd ke tede nîqaşê xorin û bitesîrî ameyê kerdene. Weçînayîşan ra nata tewr tay 3 mengî yo atmosferêko giran est o û no atmosfer ferz keno ke ma bigêrê rayîrêkê sîyasî yê bînî.

Sey HDPyî seke ma soz dabi şarê xo, nê 3 mengî pê prosesê rexnekerdiş-rexnedayîşî derbaz kerdî û no proses bi kongre, konferans û komxebatan do dewam bikero. 

Îqtîdarê AKP-MHPyî hema zî operasyonê weçînayîşî rê dewam keno û seba ney her ca de pêro hêzê xo seferber kerdo. AKP-MHP keno ke sînoranê ci de atmosferêkê sîyasîyî awan bikero. Ma do vera nê operasyonî têkoşîn bikerê. 

HDP hînî nasnameyê pêro bindestan o û bi sîyasetê xo zî Tirkîya de xetêka newîye awan kerde. Birêz Ocalano ke zîldayîş û pîlbîyayîşê na xete rê zaf xîret da, eke tecrîdê vera ey wedarîyo no do bibo garantîya haştîya şaranê Tirkîya. Teyna seba kurdan ney seba têgêrayîşê sosyalîstî û hêzanê demokrasî zî mesuldarîyêka tarîxî ya ke vera tecrîdî têkoşînê hemparî bikerê.

Nê prosesê tarîxîyî de kombîyayîşê ma seba awankerdişê dewrê neweyî bi gamêka zaf girînge. Ma bire daye ke seba vurîyayîş û vurnayîşî bibê perwerê fikrê HDPyî, ruhê têkoşîn û tecrubeyanê HDPyî do neqlê Partîya Çep a Keske bikerê, pêşnîyaz û rexneyanê kombîyayîşanê şarî xo rê bikerê serkêş. Nê prosesî de pespektîfê ma yê Rayîrê 3înî ma rê her çî ra zêdeyêr girîng o. Seba ke ma vera eqlê dewlete têkoşîn bikerê pespektîfê Rayîrê 3înî ganî bêro bihêzkerdene. Ancax serkêşîya nê perspektîfî do bieşka tecrîdî, nîjadperestîye û neteweperwerîye wedarna û seba pêro şaran Tirkîyayêka demokratîke awan bikera.

Milê ma de mesuldarîya awankerdişê komelêkê rêxistinkerde û polîtîkî est a. Partîya ma do bi îradeyê xo yê bihêzî û bi perwerîya paradîgmaya xo nasnameyê xo bipawa û Partîya Çep a Keske reyde serkêşîya dewrê neweyî bikera. 27ê tebaxa 2023yî de ma do seba nê armancan kongreya xo bikerê. Na kongre HDP û Partîya Çep a Keske ra dima do seba dewrêkê neweyî veng bida û qetî rayîrê têkoşînê şaranê bindestan, îrade û raştîya şarî ser ra anêgêra.''