Heyetê Rayberdişê Merkezî yê HDPyî derheqê operasyonanê serê sibayî de eşkerayîyêke daye.

Eşkerayîye de ame parekerdene ke AKP-MHP seba ke terseno weçînayîşan de bin bikewo hêrişê HDP, rêxistinanê komelê sivîlî, muxalîfan û dînamîkanê komelî keno. HDPyî vat: ''Operasyonanê serê sibayî de Hetkara Hemserekanê ma Ozleme Gunduz, Endamê MYKyî Mahfuz Guleryuz, endamê ma, rojnamegerî, huqûqnas û hunermendî zî tede tewr tay 100 kesî ameyî destbendkerdene.

AKP-MHPyî pê nê operasyonan vera weçînayîşanê 14ê gulane prosesêkê darbe yo newe dayo destpêkerdene. Nê operasyonî seba xespkerdişê îradeyê şarî û sindoqan ê. Nê operasyonî tesadûfî nîyê. AKP-MHP nika keno ke pê polîs û mehkemeyan mudaxeleyê weçînayîşan bikero. AKP her ke şino hîna zaf hêriş keno la do nêeşko biinkewtişî ra bixeliso. Nê hêrişî qetî do ser nêkewê. Nê operasyonî do peynîya ci bîyarê.

Ma venga pêro kesan danê ke vera nê sîstemê şantaj û gefwerdişî tewirêkê raştî bimojnê, bi mesuldarî têbigêrê, tewrê karanê weçînayîşî bibê û vera na darbe bi aktîfî têbigêrê. Ma tîya de yê û qetî ser bikewê.''