Berpirsîyara Komîsyonê Şaran û Îttîqatan ê Partîya Demokratîke ya Şaran (HDP) Tulaye Hatîmogullari Şêx Seîd û 47 embazê ci yê ke 29ê hezîrana 1925î de ameyî îdamkerdene ê yad kerdî û waşt ke cayê goranê înan bêro eşkerakerdene.

Hatîmogullari vat:  ''Sereweritişê Şêx Seîdî kitabanê fermîyan û vatişanê sîyasîyan de tim xelet yeno qalkerdene ke  têkoşînê heq û edaletî ke înan semedê şarê kurdî da, sey waştişê şerîatî yeno ramojnayene .

Bi îlankerdişê komare ya 1923î polîkaya xirabêre kewte dewre ke mîraso zaf rengin û bikultur ame redkerdene. Nê polîtîkayî çend bîyî xorî mabênê dewlete û komelî  bi a.  Vera şarê kurdî bi Planê Şark Islahatî polîtîkayê înkar, asîmîlasyon û îmha kewtî dewre ke  ewro zî etê îqtîdarî ra yenê rayraberdene.

Têrî ameyîşê serewedaritişê Şêx Seîd û embazanê ci û eşkeraykerdişê cayê goranê înan seba Tirkîya zî do biba gamêka muhîm e. Coka gerek berpirsîyarê qirkerdişî bêrê eşkerakerdene, ê dewrî reyde bêro têrîameyene, cayê goran bêrê eşkerakerdene û heme heqê înan peyser îdadeyê bê.''