Komîsyonê Şar û Bawerîyan ê HDPyî derheqê waştişnameyo ke Dîyanetî pê ci waşt ke tewrê Dewaya Kobanê bibo de eşkerayîyêke daye.

Komîsyonî vat: ''Serekîya Karanê Dîyanetî ya  ke verê cû bi bahaneya 'zerar resayo merkezanê bawerîye' tewrê Dewaya Kobanê bibî, nika bi waştişnameyê xo derheqê dewa de nîyetê xo ya raştikên û dişmenîya xo eşkera kerde.''

Eşkerayîye de ame parekerdene ke Dîyanet xîret keno ke tesîrê prosesê muhakemekerdişî bikero û vat: ''AKPyo ke xîret keno ke dînî tewrê sîyasetî bikero, do pa na şûrekaya xo hesab bido.''