Denîze Poyraz vizêr hetê nîjadperestê tirkî Onur Gencerî ra binê kontrolê dewleta tirke de bînaya HDPyî ya Îzmîrî de amebî qetilkerdene. Hemserekê Pêroyî yê HDPyî Pervîne Buldan û Mîthat Sancar bînaya HDPyî ya Îzmîrî de yê ke tede Denîze Poyraz ameye qetilkerdene.

Hemvervatoxê HDKyî Cengîz Çîçek û Esengule Demîr, endamê Heyetê Rayberdişî yê Merkezî (MYK) û sîyasetmedar Sirri Sakik zî cayê serebûtî de bi.

Hemserekan tek tek odayê bîna zîyaret kerdî, agahîyî girewtî û odaya qirkerdişî de cigêrayîş kerd. Pawîyeno ke Şaredarê CHPyî yê Îzmîrî Tunç Soyer û wekîlê CHPyî bîna do zîyaret bikerê.

Wextê hêrişî de Denîze pê 6 fîşekan kişîyaye, cam û berê partîye şikîyayî û hêrişkerî xîret kerd ke bîna bi temamî bivêşno.

Hêrişî ra dima serê sibayî bînaya HDPyî ameye akerdene û zere de gonîya Denîze estbîye.

Dima qirkerdişê xebatkara partîye Denîze Poyraz partîgîrî wexto ke waşt rêçanê barbarîya pakî bikerê zerrîzîz bîyî.