Hemsereka HEDEPî Tulaye Hatîmogullari bi wesîleya Roja Astengdaran a 3yê Kanûne kombîyayîşê çapemenîye viraşt.

Tulaye Hatîmogullari kombîyayîş de bale ante ser ke înan sey HEDEPî manîfestoyê astengdaran weşanayo û tede seba astengdaran îdeolojîya sîstemî yeno rexnekerdene. Tulaye Hatîmogullari ard ziwan ke astengdarî mîyanê komelî de raştê cîyakerîyan yenê û meseleya astengdaran meseleya polîtîk a.

Tulaye Hatîmogullari vat: ''Netîceya tercîhanê AKP-MHPyî de astengdarî raştê xizanî, şîdetî yenê û xizmetanê umûmîye ra mehrum manenê. Ganî seba astengdaran kotaya îstîhdamî se ra 10 biba. Astengdarî medya, ekonomî, huner û sîyaset de bi qîmî nênê temsîlkerdene. Bêrê ma pîya verê nê ziwanî û kerdişanê cîyakeran bigêrê. Ma esasê têdûştîye ser de ferasetê neweyî awan bikerê.''