Endama Komîteya Merkezê ya PKKyî Hêlîne Umît tewrê 'Bernameyê Taybetî' yê Medya Haber TVyî bîye. Qiseykerdişê Umîte ra qismêk wina yo:

''Ez sere de xoverdayîşê pîlî yê Îmraliyî selam kena. Serra 2023yî  de zî semedê azadîya fîzîkîye ya Rayber Apoyî  û çareserkerdişê meseleya kurdan têkoşîno xurt ame kerdene.

Kurdîstan de polîtîkayê barkerdişî est ê. Bitaybetî Vakur de. Çar parçeyanê Kurdîstanî de no yeno rayraberdene.  Bi şerî nê kenê. Dewleta tirke bi pêkerdişê sîstemê mîyannewteyî kena ke Kurdîstan veng bikero. Bitaybetî kena ke kesanê xoverdayoxan erdê ci ra raqilno. Mesele tay welatê bê vîze est ê, verî berê nînan yeno akerdene. Ganî ciwanê kurdan erdê xo ra mevejîyê, wa bawerîya înan  înan rê û hêzanê kurdan rê bibo. Wa xo bipawê. Xopawitiş têna gureyê gerîlayan nîyo. Her ganî eşkeno nê heqê xo bişuxulno. Ez veng dana ciwananê kurdan ke wa seba pawitişê Kurdîstanî û azadîya Rayber Apoyî têkoşîn bikerê.

MHP hêrişê Şêx Seîdî keno. Vera nê Huda-Par erzîyena vernî. Ma mevajê Huda-Par, Hizbulkonta. Heqê înan çîno ke wayîrê Şêx Seîdî bivejîyê. Nê hêrişî semedê şiknayîşê têkoşînê ma yenê kerdene. Derheqê Şêx Seîdî de erjnayîşê Rayber Apoyî est ê, erjnayîşê têgêrayîşê ma est ê. Xora komplo û îxanetê vera kurdan bi komployê vera Şêx Seîdî dest pêkerd. A roje ra nata dewam keno. Mesela Şêx Seîd 29ê heîzrane de ame îdamkerdene. Eynî tarîx de ceza dîyaye Rayberîye, la nameyê caardene. Çunke ma hey têkoşîn keno.  Coka inkey nê bi zemanî ra vilakerdişî kenê. Bi nê kerdişan yeno waştene ke hîsgêrîya komelê kurdan ê Şêx Seîdî wa biçarîyo nê hetê kontrayî. Şarê kurdî nê kayan hol zano. La meseleya bawerîye zaf hesas a. Rayber Apoyî Hazretî Muhammed sey şorişgêro tewr pîl ê dewrê ci name kerd. Raşta zî wina yo. Îslamîyet dînê mazlûman o la ewro zereyê ci kenê veng û bi îqtîdar û dewlete kenê de.

Ez embazanê ke zîndanan de yê bi heskerdişî selam kena. Zîndanê nêeşkayêne teberê na hemle de bimanê. Sereyê têkoşînê ma ra heta ewroyî zîndanî tim sey kelaya xoverdayîşî yê. Tim merkezê moralê komelê kurdan ê. Ganî her kes vera zîndanan cîdî bo. Çunke însan bi bedenê xo xover dano. Zîndanan de binpaykerdişê heqan zaf ê la nê embazê ma semedê xo dest pê grevî nêkerd. Semedê azadîya Rayber Apoyî û çareserkerdişê meseleya kurdan grev de yê. Ganî her kes goreyê nê wayîrê înan bivejîyo.  Teber de çalakîyê wayîrvejîyayîşî aver şinê. Nê çalakîyî eşkenê bêrê xurtêrkerdene. Ma zanê Kurdîstan û Tirkîya de xezt est o. Çalakîyî yenê qedexekerdene. La rixmê heme hêrişan, zordarîye ganî şar heqê xo de israr bikero. Ganî her kes eşkera wayîrê Rayber Apoyî bivejîyo. Eke ma bi qerardarîye şirê dewleta tirke ser, ma eşkenê ci rê peyser game bidê eştene.

Ez sere de embaze Evîne, embazan Mîr Perwer û Abdurrahîm Kizilî  bi hurmetî yad kena. Şarê kurdî nika Ewropa de semedê şermezarkerdişê qirkerdişî hazirîya çalakîyan keno. 23ê aşme de do protestoyê biheybetî bêrê kerdene. Qirkerdişê Parisî yê verênî de bi qetilkerdişê embeze Sakine prosesê neweyî dest pêkerd. MÎTê Tirkan mojna ke ê teberê sînorî de zî operasyonan kenê û serkêşanê kurdan û welatperweran hedef genê. Rayberîye vatbi, ha Sakîne kişte ha ez kişta. Embaze Evîne zî kadroyanê ma yê serkêşan ra bî. Însanê ke têkoşînê azadîyê yê şarêkî rayra benê mabenê kuçeyan de yenê kiştene. No hetê însanîye ra problemêk o.

Dewleta tirke wayîrê karekterê qirkerdî ya. Qirkerdişê Mereşî, Qirkerdişê 19ê Kanûne, Qirkerdişê Roboskî nê pêro dişmenîya dewleta tirke yê vera kurdan mojenê. Ma do seba heme qirkerdişan hesabpersayîşî rê dewam bikerê. Ganî komelê Tirkîye, şarê Tirkîye na raştîya dewlete reyde bêro têrî. Coka ma vanê ke wa komîsyonê têrîameyîşî yê bi heqîqetî bêrê ronayene. Ganî hesab bidîyo. Heta nê mebê Tirkîya de haştîya zereyî nêbena. Wa qet çew xo mexapîno. Heta ke kerdoxê Qirkerdişê Roboskî merê muhakemekerdene  ke serkerdox Erdogan o, ma hûzûr nêvînenê. Ganî nê qirkerdişî merê vîrakerdene.''