Partîya Neteweyî ya Îskoçya (SNP) ya ke îqtîdarê Îdareyê Xoserî yê Îskoçya de ya Edinburg de konfransê xo viraşt. Parlamenter, rojnameger, endamê meclîsê şaredarî û temsîlkarê rêxistinanê komelê sîvîlî tewrê konferansî  bîyî.

Bi nameyê hemleya Abdullah Ocalanî rê azadîye, meseleya kurdan rê çareserî Temsîlîya Tekîlîyanê Teberî yê Meclîsê Şarê Kurdî yê Birîtanya û Temsîlîya Meclîsê Şarê Kurdî yê Îskoçya û Temsîlîya Kongra-Starî ya Ewropa meymanî tewrê konferansî bîyî.

Salonê konferansî de derheqê hemle de stand ame ronayene û derheqê felsefeya Rayberê Şarê Kurdî Abdullah Ocalanî û tecrîdê Îmraliyî de zanayîş ame dayene. Akedemîsyen, nuştox, hunermend û parlementerê ke tewrê konferansê bîyî zaf eleqe mojna standê Abdullah Ocalanî.

Hetkara Serekwezîrê Îskoçya Kate Forbes stand zîyaret kerd û paştî daye hemleya azadîye. Temsîlkaranê kurdan kitabê Sosyolojîya Azadîye yê Abdullah Ocalanî û pûşî Forbes rê dîyarî kerdî. Kate Forbes pûşî kerd pa û tewrê konferansî bîye.

Endamê Heyetê Rayberdişê Merkezê SNPyî Chris Stephensî zî stand zîyaret kerd û seba ke temsîlkarê şarê kurdî tewrê konferansî bîyî kêfweşîya xo ard ziwan. Stephensî ard ziwan ke têkoşînê şarê kurdî heqdar û meşrû yo û vat ê do semedê azadîya Abdullah Ocalanî dahîna zaf têkoşîn bikerê.

Cinîyan ê Îskoçya zî têkoşîno ke serkêşîya cinîyan der Rojawan de vera DAÎŞî ame dayene selam kerd û vat înan şorişê cinîyan coşo pîl dayo înan.