Hemşaredaranê Wanî Neslîhane Şedal û Abdullah Zeydanî bi seyan kesan reyde mazbataya xo girewte. 

Hemşaredaran dima verê Heyetê Weçînayîşî yê Şaristanî de xîtabê şarî kerd.

Neslîhane Şedal vat: ''Ma seba destekanê înan pêro cinî, ciwanan, şarê ma, dadîyan û pêro dînamîkanê şarê ma rê sipas kenê. Qewimîyayîşanê peyênan hêvîya ma zêdînaye ke ma do bieşkê edalet û azadîye bîyarê ca. Wa serkewtişê ma fîraz bo.''

Abdullah Zeydanî vat: ''Ez sere de şarê Wanî pêro kesan rê sipas kena. Cografyaya ma rê hinî bêhuqûqîye, şer û pêkewtişî lazim nîyê. Ma rê haştîye û cuya rumetêne lazim ê. Ma do seba çareserkerdişê pêro meseleyanê şaristanî xîret bikerê.''