Hemşaredarê Pêrî newera ame rehîngirewtene
Hemşaredarê Pêrî Orhan Çelebîyo ke 11ê tebaxe de ame tehlîyekerdene, îtîrazê dozgerîye ser newera ame rehîngirewtene.
Hemşaredarê Pêrî ya Dêrsimî Orhan Çelebî newera ame tepiştene.
Çelebîyo ke 13ê temmuze de Edirne de ame destbendkerdene û tepiştene 11ê tebaxe de Zîndanê Tîpê Fyî yê Edirne ra amebi tehlîyekerdene.
Orhan Çelebî bado ke Zîndanê Edirne de Fadime Çelebi reyde pêvînayîş kerd ame destbendkerdene û newera ame tepiştene û şawîya Zîndanê Tîpê Lyî yê Edirne.
Dozgerîye vera tehlîyekerdişê Çelebî îtîraz kerdbi, mehkemeya berze no îtîraz qebul kerd.
