Temsîlkaranê Federasyonê Yewîya Elewîyanê Ewropa merkezê DEM Partî zîyaret kerd û Hemserekanê Pêroyîyan ê DEM Partî Tulaye Hatîmogullari û Tuncer Bakirhanî de pêvînayîş kerd. Endamê MYKyî Yuksel Mutlu û Wekîl Celal Firat zî tewrê pêvînayîşî bîyî.

Pêvînayîş de Tulaye Hatîmogullari qisey kerd. Tulaye Hatîmogullari bale ante ser ke elewîyî tim raştê polîtîkayanê asîmîlasyon, qirkerdiş û înkarî yenê la tim vera nê kerdişan xo ver danê. Hemsereke vat: ''Ma sey DEM Partî hertim wina fikirîyenê ke bawerî û şarê cîyayî eşkenê pîya biciwîyê. Coka ma do tim hetê elewîyan de têkoşîn bikerê. Elewîyî seba ma çimeyê rayan nîyê.''

Nameyê Federasyonê Yewîya Elewîyan ser o Huseyîn Matî qisey kerd û da zanayene ke elewîyan bi xorêxistinkerdişî xeylêk heqê xo vistî destî. Matî vat: ''Ma wazenê ke her warî de ma îdareyan de cabigêrê û mutefîqê îdareyan bibê. Seba ke ma DEM Partî ferasetê xo rê nêzdî vînenê hertim tede têkilîyan do ronê.''