Çarçewa operasyonanê qirkerdişê sîyasî yê Îstanbul û Eskîşehîrî de Hemsereko Pêroyî yê ESPyî Şahîn Tumuklu, Namzedê Partîya Çep a Keske Muslum Koyun û Edîtora ETHA Nadîye Gurbuz zî tede 7 kesî ameyî tepiştene.
Çarçewa operasyonanê qirkerdişê sîyasî yê Îstanbul û Eskîşehîrî de 30ê nîsane de 23 kesî ameybî destbendkerdene.
Nînan ra 13 kesî seba ke tewrê eşkerayîyan bîyê, xebatê sîyasî kerdê û tewrê çalakîyanê vera hêrişanê kîmyewîyan bîyê seba tepiştişî sewqê Mehkemeya Cezaya Sulhe bîyî.
Mehkeme de Hemsereko Pêroyî yê ESPyî Şahîn Tumuklu, Namzedê Partîya Çep a Keske yê Eskîşehîrî Muslum Koyun, Edîtora ETHA Nadîye Gurbuz, Kalender Polat, Sîneme Çelebî, Adnan Ozcan, Selvînaze Goçmez tepişîyayî.
Kesê bînî bi şertê kontrolê edlîyî û hepsê keyeyî vera dîyayî.
