Hemserekê HDPyî yê Pertêgî ame destbendkerdene
Hemserekê HDPyî yê qezaya Pertêgî ya Dêrsimî Aydin Kose ame destbendkerdene. Îstanbul de zî Endamê DGPyî Ulaş Uslu ame destbendkerdene.
Çarçewe operasyonê qirkerdişê sîyasîyî de Dêrsim û Îstanbul de hewna destbendkerdişî estî.
Qezaya Pertêgî ya Dêrdimî polîsan eşt rêsxitina HDPyî û keyeyê Hemserekê HDPyî yê Qeza Aydin Koseyî ser. Polîsan Kose destbend kerd û banê qeza de zî wexto derg cigêrayîş kerd. Polîsan keyeyê Koseyî rêxistina qeza de dest na xeylêk meteryalanê dîjîtalan û bîlgîsayaran ser.
Koseyo ke sebebê destbendkerdişê ci nêame musayene ame berdene Mudirîya Asayîşî ya Qeza.
Hetê bînî ra Îstanbul de Endamê DGByî Ulaş Uslu seba ke tewrê çalakîya protestokerdişê qeyûm Melih Buluyî bi ame destbendkerdene.
