Goreyê raporê Yewîya Tabîbanê Tirkan (TTB) rixmo ke erdlerzî ra 18 mengî vîyartê meseleyê weşîye herême de dewam kenê. Rapor de dîya zanayene ke Hatay de 56 merkezê weşîye yê keyeyan (ASM) rijîyabî la herinda nînan de êyê neweyî nêvirazîyayê.

Rapor de ame vatene ke erdlerzê 6ê sibata 2022yî de Hatay, Mereş û Semsûr de rijîyayîşêko pîl qewimîyayo û nê şaristanan de nêweşê kanserî nêçare manenê ke seba tedawî şorê şaristananê bînan.

Rapor de ame pêhesnayene ke bi taybtî doman, cinî û kokimî warê xizmetanê weşîye de tengasîye vînenê û şaristanan de mergê dergûşan zaf ê.

TTByî dîyar kerd ke erdlerzî û cuya konteyniran bi hawayêkê xirabî tesîrê psîkolojîya merdiman kerdo coka ganî destekê psîkolojîkî bêrê dayene nê kesan.

TTByî pare kerd ke wextê erdlerzî ra heta nika meseleya tozî ya girane, barkerdişê xurdeyanê bînayan û xalîkerdişê bi asayî dewam kenê û nê çîyî zî weşîya merdiman rê tesîr kenê.

TTByî bale ante texrîbatê ekolojîkî ser zî û vat: ''Herême de 2 hezar û 555 daristanî, erdê zîretî ûsnç seba projeyan dîyayî kişte. Hatay de projeyê 54 ocaxanê kerrayan û 3 kargehanê mermeran est ê. Nê projeyî û xebatî do zerarêkê pîlî bidê xoza û weşîya gandaran.''