Hetkarê Hemserekê Wezîrê Karanê Teberî yê Misirî yo verên Şerîf Şahîn û sîyasetmedar Taha Elîyî vera hêrişanê dewleta tirke yê vera Rojawanî nêrazîbîyayîş mojna û no sey qirkerdişêkê sîstematîkî name kerd.

Şerîf Şahînî ard ziwan ke qirkerdişê ke Îsrail vera Gazze keno dewleta tirke zî vera  Rojawanî keno û vat: ''Dewleta tirke wazena kurdan çîn bikero. Hêrişê waranê roniştişî yê kurdan kena, zirar dana ci. Bi nê hêrişan wazena ke şar herra xo ra bivejîyo, erdê xo ra bibo.''

Taha Elîyî zî hêrişê dewleta tirke yê vera Rojawanî sey qirkerdişêkê sîstematîkî name kerdî û vat: ''Mabênê PKK û dewleta tirke de şerêk est o. Tirkîya wazena şarê kurdî çîn bikero, coka qetil kena. Nê semedî ra Rayber Apo bi serran o Zîndanê Îmraliyî de yeno tepiştene. Sakine Cansiz Paris de ameye qetilkerdene û tewr peynî de rojnamegera kurde Nagihane Akarsel Silêmanî de netîceya planêkê leymînî de bi suîkastî ameye qetilkerdene.  Nê hêrişî netîceya polîtîkayanê qirkerdişî yê dewleta tirke yê vera kurdan de ameyî kerdene.''