Şerwanê YPJyî û Meclîsê Leşkerî yê Minbicî her hêrişê dewleta tirke ya îşxalkere pûç kenê û hêrişanê cergan zî şiknenê. Şerwanan derheqê xoverdayîşî de ajansê ma rê qisey kerd.

Şerwana YPJyî Ronahî Ozan derheqê Hemleya Şehîd Ezîz Erebî de wina vat: ''Vera hêrişanê dewleta tirke xoverdayîşêko bêeman yeno kerdene. Ma nêverdanê ke dişmen aver şoro. Ma do na hemle bi serkewtişî biqedînê. Ma armanc kenê ke hêrişan bişiknê û Rojawanî îşxalî ra bixelisnê. Dewleta tirke îdîa kena ke Tişrîn visto destî la Tişrîn hetê ma ra pawîyeno. Ma hêrişanê vera Tişrînî şiknenê.''

Şerwanê Meclîsê Leşkerî yê Minbicî Gelî Kobanêyî vat: ''Dewleta tirke waştêne ke biresa awbendê Tişrînî û dima pêroyê Rojawanî îşxal bikera. La bi rojan o ma xo ver danê û hêrişan pûç kenê. Ma Hemleya Şehîd Ezîz Erebî de derbê giranî dayê dişmenî ro. Cergî ne ewnîyenê peyê xo ra ne zî cenazayanê xo berz kenê, ca de remenê.''