Amed, Wan, Şirnex û Îstanbul de hêrişê vera cenazayanê şehîdan ameyî protestokerdene. Polîsan hêrişê çalakwanan bi desan kesî destbend kerd.

Amed de verê banê komeleya MEBYA- DERî de eşkerayîye ameye dayene. Hemserekê HEDEP û DBPyî û wekîlê bajarî, xeylêk rêxitinê komelê sîvîlî û şar tewrê çalakîye bîyî.

Eşkerayîye de ame vîrvistene ke cenazayê şehîdan bi serran Dezgehanê Tibê Edlîyî de yenê pawitene û dima ra zereyê qutîyanê kartonan, tewre yan zî qutîyanê kargo de teslîmê keyeyan benê û nê ameyî vatene: ''Senî ke cenazayanê Egît Îpek, Yilmaz Uzun, Gulere Ozbay, Hakan Aslan û tewr peynî de zî Mefîyate Elçiçek de ame vînayene cenazayan rê bêhurmetîye yena kerdene û wecîbeyê ci yê dînî nînê caardene. Reyna tezîyeyî yenê astengkerdene û wesayîtê cenaza nînê dayene. Seba ke malayê dewan nimajê cenazayan mekerê tay dewan ke muftutîye malayî peyser antî û dewijî ameyî tehdîtkerdene ke tewrê cenaza mebê. Şîdetê dewlete yê vera merdeyan tîya de zî nêqedîyeno. Rîyê ziwanê şîdetî yê îqtîdarî ra mezelê şehîdan zî raştê hêrişî yenê. Yeno waştene ke wa şîdetê vera merdeyan bibo sey çîyêkî normalî.  Eynî şîdet wayîrê cenazayan ra zî yeno kerdene. Keyeyî nêeşkenê goreyê orf, edet û rîtuelanê xo yê dînîyan cenazayanê xo defin bikerê. Heqê înan o bingeyî yeno binpaykerdene.  Na rewşe wîjdanê komelî de derbanê girdan akeno ke nînê weşkerdene.''

Îstanbul de zî serkêşîya (ANYAKAYDERî  de Meydanê Şirinevleri de vera hêrişê serê cenazayan eşkerayîya çapemenîye ameye kerdene. Dayîkê Haştîye û HDK, TJA, HEDEP û MATUHAYDERî ra zî xeylêk kesî tewrê çalakîye bîyî.

Polîsan çalakwanî girewtî binê ablûqa, şarî bi slogana “Şehîd namirin” û tîlîlî û çepikan polîsî protesto kerdî. Polîsan hêriş kerd û bi derbkerdişî û kelemçeyanê peykîyan bi desan kesî destbend kerdî.

Kesê ke ameyî destbendkerdene ra tayî wina yê:

"Hemserekê HEDEPî yê Îstanbulî Murat Kalmaz û Turan Kizilkaya, HEDEP İstanbul İl Eş Başkanı Murat Kalmaz ile Turan Kizilkaya, Gulsume Dag, Mehmet Aydemir, Gulsune Ozturk,  û Mihriban Aydin, Vervatoxê Meclîsê Ciwanan ê HEDEPî û Edanure İbrahimoglu, Faysal Ozdeş, Aslan Demir, Mehmet Arinç, Veysel Oztaş, İbrahim Uzun, Dileke Demir, Şafi Erol, Riza Kaplan, Mehmet Şirin, Huseyin Akbaş, Fatma Yilmaz, Makbule Yilmaz, Sineme Yildirim, Behiye Dag, Saadet Aksu, Sipan Çoban, Turkan Acar, Asiye Aslan, Kumri Akgun, Abdulmelik Esenboga, Selma Yilmaz, Rojda Yilmaz, Huseyin Atbaş, Sedat Sonmez, Zeki Orhan, Pinar Kandal, Hulya Guler, Sinem Karabaş, Netice Aydemir, Reşit Ertugrul, Nurten Varlik, Cahide Avşar.”

Reyn Wan û Şirnex de zî hêrişê vera cenzayan ameyî protestokerdene.