Saetanê serê sibayî de merkezê ci Riha 7 bajaran de sereştişê keyeyan ameyî kerdene.

Çarçeweya operasyonî de yo  ke hetê Serdozgerya Komare ya Riha ra dîya destpêkerdene, Êlih, Mersin, Konya, Antaya, Bedlîs û Îstanbul de sereştişê keyeyan ameyî kerdene û 11 kesî ameyî destbendkerdene. 

Qezaya Ceyhanî ya Adana de serê sibayî polîsan eşt xeylêk keyeyan ser û Abdulhekîm û Ramazan Bahadir zî tede xeylêk kesî destbend kerdî.

Polîsanê tirkan çarçewa tehqîqatê Serdozgerîya Komare ya Şirnexî de serê sibayî qezaya Silopîya ya Şirnexî de eşt xeylêk keyeyan ser, keyeyî serûbin kerdî  û kesê bi nameyê Mehmet D., Ridvan D., Ozcan K., Umut O. Û xeylêk  kesê ke nameyê înan nêzanîyenê destbend kerdî.

Nêzdîbîyayîşê weçînayîşanê 14ê gulane reyde operasyonê qirkerdişê sîyasîyî yê vera kurdan zêdîyayî. Bitaybetî 25ê nîsane ra nata destbendkerdişê girseyî yenê kerdene. Operasyonê qirkerdişî yê  ke merkezê înan Amed, Îstanbul û Anqara yê, zafê înan rojnamegerî, sîyasetmedarî, hunermend û avûkatî bi seyan kesî ameyî destbendkerdene.