Dewa Çamilî ya qezaya Qelqelî ya Wanî de perey bobarduman de 2 kesî ameyî qetilkerdene û 3 kesî ameyî destbendkerdene. Keyeyêko veng bi saetan diyaya bombayan ver. Netîceya hêrişî de di kesî ameyî qetilkerdene û sereştişê yew keyeyî de Omer Kiliççeken û lajê ci Sami Kiliçeken û Abdurahman Bedir ameyî destbendkerdene.

HDP, DBP, Partîya Çep a Keske, TJA û xeylêk rêxistiananê komelê sîvîlî û meslekî ra heyetêk herême zîyaret kerd. Heyetî verî dewijan rayde pêvînayîş kerd û dima ra cigêrayîş kerd. Cigêrayîşan de di kapsulê gazî yê vêşayeyî ameyî vînayene k serê cip ame tesbîtkerdene. Dîmenê ke perey ameyî antene de keye bi çekanê giranan amebi gulekerdene la ewro cigêrayîşanê ewro de ecebo ke qet rêçê guleyêkî nêameyî vînayene.

Wekîl Zulkuf Uçarê ke tîya qisey kerd, vat: ''Badê hêrişî ma cade waşt şirê dewe la leşkeran verê ma girewt destur nêda ma şirê dewe. Gama ke ma resaye dewe û cigêrayîş kerd ma dî ke tîya eşkera înfaz ameyo kerdene. Goreyê vatişê şarî leşkerî verê pêkewtişî 20 deqa zere de mendî. Dima ra ameyî teber û keyeyê açarnayo xirbe. Keye bi saetan ameyo bombardumankerdene. Heqê cuye ameyo binpaykerdene. Vera hemwelatîyan bi hwayêkê sîstematîkî îşkence ameyo kerdene. Peyê qetilkerdişê di hemwelatîyan de no xirbe mend. No dewamê polîtîkaya vera kurdan o. Dîmenê şerê vera kurdan ê. Ma tîya ra reyna vanê ke têkoşînê ma do dewam bikero. No hêrişê vera haşîtya birumete yo. Şarê kurdî nê hêrişan qebul nêkeno. Ma do peyê nê operasyonanê leyminan cameverdê.''