Merkezê Îrtîbatî û Çapemenîye yê HPGyî derheqê hêrişanê artêşa tirke ya îşxalkere û çalakîyanê gerîlayan de eşkerayîyêke daye. Eşkerayîye wina ya:

‘’Seke pêro rayaumûmîye zanena Gerîlayê Azadîye yê Kurdîstanî 1ê adare de kewtî pozîsyonê adirbirnayîşî. La hêrişê artêşa îşxalkere hema zî dewam kenê. Artêşa îşxalkere hewa û erdî ra bi çekanê kîmyewîyan û teqaberanê qedexeyan hêrişî zêdînayî. 11ê nîsane de, Warê Xoverdayîşê Girê Cûdîyî yê Herêma Şehîd Delîlî ya Rojawanê Zapî de artêşa îşxalkere bi çekanê kîmyewîyan û teqaberanê qedexeyan ancî sûcê vera merdimatîye kerd. Nê hêrişî de embazanê ma Besê û Mîtra bi hawayêkê destanwarî xo ver da û ê şehîd bîyî. Ma do dima nasnameyê nê embazanê xo yê bêmergan pare bikerê.

Detayê hêrişan wina yê:

Hêrişê bi teqaberanê qedexeyan

24 û 26ê nîsane de tunelê Warê Xoverdayîşî yê Girê Amedîyê yê Herêma Şehîd Delîlî di reyî dîyayî bombayan ver.

Hêrişê bi teyarayanê şerî

24 û 25ê nîsane de tunelê Warê Xoverdayîşî yê Girê Biharî yê Herêma Şehîd Delî dîyayî bombayan ver.

Hêrişê bi top, obus û çekanê giranan

24–25ê nîsane de warê Sinîn û Lolanî yê Xakurkê; warê Zêvkê, Dêreş, Girgaş, Mijê yê Garê; warê Bêşîlî, Şêlazê, Serê Metîna yê Metîna; Warê Xoverdayîşî yê Girê Amedîyê û Girê Biharî yê Herêma Şehîd Delîlî ya Rojawanî Zapî bi temamî 1164 reyî dîyayî bombayan ver.

Mudaxeleyê hêzanê ma

23yê nîsane de Warê Xoverdayîşî yê Girê Biharî yê Herêma Şehîd Delîlî ya Rojawanê Zapî de hêzanê ma yê YJA-Starî mudaxeleyê îşxalkeran kerd.

25ê nîsane de Warê Xoverdayîşî yê Girê Amedîyê yê Herêma Şehîd Delîlî ya Rojawanê Zapî de îşxalkeran rê mudaxele ame kerdene.’’