Hunermenda kurde vizêr serê sibayî Emele Çîftçî wexto ke seba tedawî şîbî nêweşxaneyê Amedî, bi bahaneya ke bira tepiştişê ci est a, ameye destbendkerdene. 

Emele Çîftçî dima îdîayanê şahîdê nimiteyî Ulaşî ser o şîye îfade da. Emele Çîftçî bi rayîrê SEGBÎSî Edlîyeya Amedî de vejîyaye mehkeme ver.

Emele Çîftçî îdîayanê Ulaşî ser o bi îdîaya 'endamîya rêxistine û îdarekarîya rêxistine'  hetê Mehkemeya Sulh û Ceza ra tepişîyaye.

Çîftçîya ke tede kanserê rahîmî û guatiro jehrîn est o, rixmê raporanê weşîye yê avûkatanê ci zî tepişîyaye. Avûkatanê Emele Çîftçî pare kerd ke a ganî cade amelîyat biba. 

Emele Çîftçî erşawîyaye Zîndanê Cinîyan ê Amedî.