Hunermend û kurdîstanijê ke Ewropa de ciwîyenê, înan seba weçînayîşanê 14ê gulane bi rayîrê ajansê ma venga şar û merdimanê xo da ke wa raya xo bidê Partîya Çep a Keske.

Hozan Comerdî pare kerd ke seba ke zulmo ke vera şaran bi seserran o yeno kerdene, biqedo nê weçînayîşî firsend ê û vat: ''Seba ke têkoşîn û kedê vera zulmî ser bikewê raya xo bidê Partîya Çep a Keske.''

Hunermendanê TEV-ÇANDî ra Fevzî Kiliçî vat: ''No sîstemo faşîst û nîjadperest vera kurdan polîtîkayanê qirkerdiş û asîmîlasyonî ano ca. Ma do nê sîstemî çin bikerê. Bi taybetî ez venga şarê Erziromî dana ke wa raya xo bido Partîya Çep a Keske.''

Îdareyê Federasyonanê Komeleyanê Demokratîkan ê Mereşî ra Talat Yeşîlkayayî vat: ''Îqtîdarê AKPyî 21 serrî yo pêro çimeyê şarî çin kerdî. Seba haştîye, demokrasî û azadîye wa her kes raya xo bido Partîya Çep a Keske.''

Alî Tuncerî vat: ''Ê merdimê ke xo rê vanê demokrat û vurîyayîşî wazenê wa şorê sindoqan ser û raya xo bidê Partîya Çep a Keske.''

Meryeme Çagana ke Almanya de ciwîyena, waşt ke seba yewîye û edaletî wa her kes raya xo bido Partîya Çep a Keske.

Hemsereka verêne ya DBPyî ya Amedî Rûkene Akça venga kurdîstanij û amedijan da û vat: ''Wa kesê ke demokrasî, heqanê xo û azadîye wazenê raya xo bidê Partîya Çep a Keske. Bi taybetî wa cinî û ciwanî wayîrê Partîya Çep a Keske vejîyê.''

Aytene Surreye bi kirmanckî venga dêrsimijan da û waşt ke dêrsimijî wa raya xo bidê Partîya Çep a Keske.

Esma Yildiz zî bala ante girîngîya nê weçînayîşan ser û waşt ke her kes şoro sindoqan ser, raya xo bido Partîya Çep a Keske.