Endamê Komîteya Rayberdişî ya PKKyî Duran Kalkanî Medya Haber TVyî de rojdem ercna.

Qiseykerdişê Kalkanî ra tay noqtayê girîngî wina yê:

''Zîndanê Îmraliyî de hetê tecrîd, teda û îşkenceyan ra yew vurîyayîşêk çin o. Seke zanîyeno Hemleya 'Ocalanî rê Azadîye, Meseleya Kurdan rê Çareserîye' dîyabî destpêkerdene. Na hemle zaf girîng a. Ma hê kewenê menga komployî. Ganî sibate de çalakî û aktîvîteyê seba azadîya Rayberîye serkêşîya cinî û ciwanan de bêrê zêdekerdene. Seba azadîya Rayber Apoyî xeylêk xîretî est ê. Tewr peyên raporê Îmraliyî yê Buroyê Asrinî ame eşkerakerdene. Uca de zî ameyêne vatene ke cewab nêdîyeno muracatê pêvînayîşan. 

Tecrîdê Îmraliyî zerar dano pêro Tirkîya zî. Şarê Tirkîya û roşnvîrê tirkî ganî seba azadîya Rayber Apoyî xîret bikerê. Seba ney xora 564 roşnvîran eşkerayîyêke daye. Azadîy Rayber Apoyî û çareserîya meseleya kurdan pabesteyê yewbînan ê. Ganî ma serra 26. ya Komployê Mîyanneteweyî de seba ke azadîya Rayber Apoyî bîyarê ca bi îdîayî têbigêrê. 

Zîndanê Îmraliyî heman wextî de merkezê polîtîkaya qirkerdişê kurdan o. 25 serrî yo tecrîdê vera Rayberîye reyde vera kurdan hêrişê topyekûnî yenê kerdene. Xora Rayber Apo nê 25 serrî yo Îmraliyî de xoverdayîşêkê bêhempayî keno. Xoverdayîşî ra nêbeno çew nêeşkeno uca de bimano. Ma zî sey şarî û têgêrayîşî na xeta xoverdayîşî xo rê kerde esas û rêçê xoverdayîşê Rayber Apoyî teqîb kerd. 

Serra 26. ya Komployê Sibate de ganî ma serkewtişî xo rê bikerê esas. 17ê sibate de Koln de rayraşîyayîşêko merkezî est o. Ganî şarê ma yê Ewropa bi xurtî tewrê nê rayraşîyayîşî bibo. Ganî ma pêro menga sibate de payan ser de vinderê, çalakîyan bikerê, Hemleya Azadîye ser bivisnê.

Ez Operasyonê Şorişgêrî yê Şehîd Helmet Dêralukî fîraz kena. Gerîlayan tim xo ver dayêne û do bidê. Dewleta tirke tim wesfê teknîkê xo dayêne la pêro pûç vejîyayî. Ma artêşa tirke ya îşxalkere hişyar kerde ke do bin bikewê.

Nika şer de rewşe vurîyaye. Gerîlayan terzêkê şerî yo newe vet werte. Gerîlayî nika hem eşkenê xo bipawê hem zî eşkenê hêriş bikerê. A raşte pêro hamnanî de gerîlayan amadekarîya ney kerde. Îşte 12ê çeleyî ra nata îqtîdar, fermandar û selahiyetdarê dewleta tirke mîyanê şoqan de yê. 

Dewleta tirke û îqtîdarê AKP-MHPyî bi dişmenîya kurdan her ca ra cergan arê danê, weye kenê û tewrê şerê vera kurdan kenê. Ancî hemwelatîyanê xo ra leşkeranê kîrakerdeyan gêna leşkerîye. 

Hînî aqîbetê şerî vurîya. Gerîlayan dest pê prosesê eciqnayîşê cerganê AKP-MHPyî kerd. Înîsîyatîf hînî gerîlayan de yo. Wa her kes ney hol bizano. Gerîlayî şewe û roje şer kenê. Xora do ser bikewê. Heta ke dewleta tirke nê îşxalî de israr bikera mehkuma binkewtişî ya.

Dewleta tirke çalakîyanê gerîlayan de xeylêk kişteyî dayî la raştîyan nimnena. Ganî rayaumûmîya Tirkîya vera na rewşe vengê xo veja. Çi gureyê Tirkîya Başûr de est o? Çend înkar bikera zî dewleta tirke hînî nêeşkena binkewtişa xo binimna. Gerîlayan serra 2024î senî daya destpêkerdene, ê do wina biqedînê. Her kes peynî do do hêzê kurdan qebul bikero. 

Dewleta tirke kena ke Iraq û Îranî zî vera ma debikera nê şerî. Xora Rojawan de dewleta tirke hem bi xo, hem zî bi destê cerganê xo her roje hêrişê şarî kena. Dewleta tirke bi taybetî verê kanwazan dana Rojawanî. Rojawanê Kurdîstanî de şarî mîyanê yewîye de pîya ciwîyenê. Dewleta tirke wazena naye biherimna û sîstemê Îdareyê Xoserî çin bikera. Xora îşxalê Efrînî ra nata kerdişê înan dîyar ê. La şarê ma yê Rojawanî hol zaneno ke tek rayîrê azadîye xoverdayîş û têkoşîn o. Ê do pêro hêrişan bişiknê û ancî azadîya xo bipawê.''

Endamê Komîteya Rayberdişî ya PKKyî Duran Kalkanî Medya Haber TVyî de rojdem ercna.

Qiseykerdişê Kalkanî ra tay noqtayê girîngî wina yê:

''Zîndanê Îmraliyî de hetê tecrîd, teda û îşkenceyan ra yew vurîyayîşêk çin o. Seke zanîyeno Hemleya 'Ocalanî rê Azadîye, Meseleya Kurdan rê Çareserîye' dîyabî destpêkerdene. Na hemle zaf girîng a. Ma hê kewenê menga komployî. Ganî sibate de çalakî û aktîvîteyê seba azadîya Rayberîye serkêşîya cinî û ciwanan de bêrê zêdekerdene. Seba azadîya Rayber Apoyî xeylêk xîretî est ê. Tewr peyên raporê Îmraliyî yê Buroyê Asrinî ame eşkerakerdene. Uca de zî ameyêne vatene ke cewab nêdîyeno muracatê pêvînayîşan. 

Tecrîdê Îmraliyî zerar dano pêro Tirkîya zî. Şarê Tirkîya û roşnvîrê tirkî ganî seba azadîya Rayber Apoyî xîret bikerê. Seba ney xora 564 roşnvîran eşkerayîyêke daye. Azadîy Rayber Apoyî û çareserîya meseleya kurdan pabesteyê yewbînan ê. Ganî ma serra 26. ya Komployê Mîyanneteweyî de seba ke azadîya Rayber Apoyî bîyarê ca bi îdîayî têbigêrê. 

Zîndanê Îmraliyî heman wextî de merkezê polîtîkaya qirkerdişê kurdan o. 25 serrî yo tecrîdê vera Rayberîye reyde vera kurdan hêrişê topyekûnî yenê kerdene. Xora Rayber Apo nê 25 serrî yo Îmraliyî de xoverdayîşêkê bêhempayî keno. Xoverdayîşî ra nêbeno çew nêeşkeno uca de bimano. Ma zî sey şarî û têgêrayîşî na xeta xoverdayîşî xo rê kerde esas û rêçê xoverdayîşê Rayber Apoyî teqîb kerd. 

Serra 26. ya Komployê Sibate de ganî ma serkewtişî xo rê bikerê esas. 17ê sibate de Koln de rayraşîyayîşêko merkezî est o. Ganî şarê ma yê Ewropa bi xurtî tewrê nê rayraşîyayîşî bibo. Ganî ma pêro menga sibate de payan ser de vinderê, çalakîyan bikerê, Hemleya Azadîye ser bivisnê.

Ez Operasyonê Şorişgêrî yê Şehîd Helmet Dêralukî fîraz kena. Gerîlayan tim xo ver dayêne û do bidê. Dewleta tirke tim wesfê teknîkê xo dayêne la pêro pûç vejîyayî. Ma artêşa tirke ya îşxalkere hişyar kerde ke do bin bikewê.

Nika şer de rewşe vurîyaye. Gerîlayan terzêkê şerî yo newe vet werte. Gerîlayî nika hem eşkenê xo bipawê hem zî eşkenê hêriş bikerê. A raşte pêro hamnanî de gerîlayan amadekarîya ney kerde. Îşte 12ê çeleyî ra nata îqtîdar, fermandar û selahiyetdarê dewleta tirke mîyanê şoqan de yê. 

Dewleta tirke û îqtîdarê AKP-MHPyî bi dişmenîya kurdan her ca ra cergan arê danê, weye kenê û tewrê şerê vera kurdan kenê. Ancî hemwelatîyanê xo ra leşkeranê kîrakerdeyan gêna leşkerîye. 

Hînî aqîbetê şerî vurîya. Gerîlayan dest pê prosesê eciqnayîşê cerganê AKP-MHPyî kerd. Înîsîyatîf hînî gerîlayan de yo. Wa her kes ney hol bizano. Gerîlayî şewe û roje şer kenê. Xora do ser bikewê. Heta ke dewleta tirke nê îşxalî de israr bikera mehkuma binkewtişî ya.

Dewleta tirke çalakîyanê gerîlayan de xeylêk kişteyî dayî la raştîyan nimnena. Ganî rayaumûmîya Tirkîya vera na rewşe vengê xo veja. Çi gureyê Tirkîya Başûr de est o? Çend înkar bikera zî dewleta tirke hînî nêeşkena binkewtişa xo binimna. Gerîlayan serra 2024î senî daya destpêkerdene, ê do wina biqedînê. Her kes peynî do do hêzê kurdan qebul bikero. 

Dewleta tirke kena ke Iraq û Îranî zî vera ma debikera nê şerî. Xora Rojawan de dewleta tirke hem bi xo, hem zî bi destê cerganê xo her roje hêrişê şarî kena. Dewleta tirke bi taybetî verê kanwazan dana Rojawanî. Rojawanê Kurdîstanî de şarî mîyanê yewîye de pîya ciwîyenê. Dewleta tirke wazena naye biherimna û sîstemê Îdareyê Xoserî çin bikera. Xora îşxalê Efrînî ra nata kerdişê înan dîyar ê. La şarê ma yê Rojawanî hol zaneno ke tek rayîrê azadîye xoverdayîş û têkoşîn o. Ê do pêro hêrişan bişiknê û ancî azadîya xo bipawê.''