Nameyê îşkencekerê Zîndanê Amedî Esat Oktay Yildiranî qezaya Buca ya Îzmîrî de dîyabi dibistanêke. Nêrazîbîyayîşê komelî ra dima tableya nameyê  dibistanî amebî vurnayene 'Belenbaşi' û Wezîrîya Perwerdeyê Milîyî zî vat ke 'xeletîyêke' bîya.

La ancî zî Şubeyê Egitim Senî yê Îzmîrî bi waştişnameyêkî muracatê Mudirîya Perwerdeyî ya Îzmîrî kerd û waşt ke mesuldarê nê serebûtî wa bêrê cezakerdene.

Vervatoxê Şubeyê Egitim Senî Bulent Karakaşî pare kerd ke înanê ke nameyê îşkencekarêkî dayo dibistane ê wayîrê mezgê îşkencekeran ê. Karakaşî îfade kerd ke Wezîrîya Perwerdeyê Milîyî zî prosesê namekerdişî de goreyê mewzuatî tênêgêraye.