Vîrusê Korona yo ke Tirkîya de zî vila beno tewr zaf tepişteyan rê gef waneno. Endamê Komeleya Heqanê Merdiman (ÎHD) ê Anqara Fatîh Kanatî derheqê meseleyanê zîndanan de ANFyî reyde qisey kerd.

Kanatî vist vîrî ke goreyê doneyanê Wezaretê Edaletî, heta çeleyê 2020î 355 zîndanan de 294 hezar tepişteyî estbî û vat: ''Ame parekerdene ke 11 hezarê nê tepişteyan cinî yê. La hûmarêka zelal nêameye dayene. 3 hezar û 100 tepişteyî doman ê, 780 domanî zî dadîyanê xo reyde zîndanan de yê. Kapasîteya zîndanan qîm nêkena. No bi xo mojneno ke rîsk çend pîl o.

Goreyê doneyanê ÎHDyî zîndanan de 457ê ci giranî 1333 tepişteyê nêweşî estê. Nê nêweşî binê gefê vîrusî de yê. Ganî zîndanî cade bêrê vengkerdene û tepişteyî bi şertê kontrolî yê edlîyî bêrê veradayene. Nêbeno ke ma hêvîya xo gamanê AKPyî rê girê bidê

Tirkîya de hûmara nêweşan vera zêdîyena. Coka gamêka winasêne mecbûrî ya. Ma wina hêvî kenê ke ganî cade gamêke bêra eştene.''