Teberê welatî de seba weçînayîşanê Tirkîya yê 14ê gulane raydayîş dewam keno. Hemserekê KONGRA-GELî Remzî Kartalî bi rayîrê ajansê ma venga weçînitoxanê teberê welatî da.  

Remzî Kartalî pare kerd ke weçînayîşê 14ê gulane normal nîyê û vat: ''Weçînayîşê 2023yî normal nîyê. 100 serrî yo vera kurdan polîtîkayê înkarî yenê kerdene. Bi taybetî AKP-MHP 8 serrî yo keno ke îradeyê kurdan bişikno. La netîceya têkoşînê kurdan de no îqtîdar rijîyayîş de têrî mendo. Nê weçînayîşî zî do bibê wesîleyê qedîyayîşê AKP-MHPyî. Coka rayê şarê Kurdîstanî û hêzanê demokratîkan zaf girîng ê.

Ez venga pêro weçînitoxanê Ewropa dana ke wa seba Partîya Çep a Keske seferber bibê.Ganî ma keye bi keyeyî bigêrê û qala girîngîya weçînayîşan bikerê. Ganî ma meclîsanê xo, dezgeh û rêxistinanê xo seferber bikerê. Heta 9ê gulane ganî ma teyna weçînayîşan ser o vinderê. Teyna kurdî ney ganî pêro hêzê demokratîkî û komê muxalîfî kom bibê û weçînitoxan rêxistin bikerê. Ganî ma raya xo bidê Partîya Çep a Keske. Ma îmkananê xo seferber bikerê û merdimanê xo biresnê cayanê raydayîşî.''