Wekîlê HDPyî Erol Katirciogluyî tesîrê ekonomîkî yê janê Covid-19î ANFyî rê ercnayî.

Erol Katirciogluyî pare kerd ke çimeyê ekonomîkî yê hukmatî qedîyeno û vat: ''Ganî ya Bankaya Merkezîye pereyan çap bikera yan zî IMFyî ra deyn bêro girewtene. Tirkîya de cara krîzo ekonomîk estbi nika zî vîrusê Korona esto. Hukmat eke qedexeyê vejîyayîşê teberî îlan bikero gereka meaşanê karkeran bido. Coka nêefretano çîyêk bikero.  

Serekkomarî tewr peyên vat ke înan hetkarîye daye Îtalya û Îspanya û dima nûmaraya ÎBANî daye. No nêbeno. Nika zî vanê ma yewbînan rê bes ê. Tirkîya nêeşkena ekonomîyê xo bidevira. Sey Venezuela beno ke Tirkîya de zî ÎMF bikewo rojdem.

Hukmatî budçeyê xo da asayîşî, dîyanet û wezaretê perwerdeyî. Heta ke budçe nêro vurnayene ê nêeşkenê nê krîzî ra bixelisê. Budçe ganî seba Kanala Îstanbulî nê, seba tedbîranê vera vîrusî bêro xebitnayene. Îqtîdarî nê wextê vîrusî de xo rê firsend dî qeyûmî tayînê şaredarîyanê HDPyî kerdî.''