Vizêr bi merkezê Dengizê Marmara Gemlîk de bi girdîya 5,1î erd lerzabi. KCDK-E naye ser o derheqê qesawetanê serê rewşa Rayberê Şarê Kurdî Abdullah Ocalanî de eşkerayîyêke daye.

KCDK-E vat: ''Zîndanê Îmraliyî ra, Rayber Apoyî ra xeberêke nêna girewtene. Rayber Apo 24 serrî yo binê şert û mercanê giranan de tepişîyeno, nêweşîyê ci yê kronîkî est ê. Nê erdlerzî ra dima zî qesawetê ma zêdîyayî.

Dewleta tirke ya faşîste derheqê rewşa Rayber Apoyî de agahîyêke nêdana û nêverdena ke keye û avûkatî ey bivînê. Ma nê tecrîdî şermezar kenê û venga pêro dezgehanê mîyanneteweyîyan danê ke erkê xo bikerê. 

Eşkerayîyê Şaredarê Bursa yê serê erdlerzî zelal nîyê. Rayber Apoyî ra agahîyêke nêna girewtene. Rayber Apo seba şarê kurdî xeta sûr a. Ganî cade Rayber Apoyî de pêvînayîş bêro kerdene. Bi cezayanê dîsîplînî yê keyfîyan tecrîd yeno nimnayene. Ganî dezgehê ma, şarê ma û dostê ma seba şiknayîşê tecrîdî seferber bibê û Hemleya Azadîye hîra bikerê. Şarê kurdî qetî do azadîya Rayber Apoyî bîyaro ca.

Sey KCDK-E ma semedê erdlerzî ancî wazenê ke derheqê rewşa Rayber Apoyî de agahîyan bigêrê.''