KCDK-E derheqê gefê vîrusê Korona de ewro eşkerayîyêka newîye weşanaye.

Eşkerayîye wina ya:''Janê vîrusê Korona sînoran ra derbaz beno û tesîrê pêro merdimîye keno.Sey KCDK-E roja verêne ra nat ma xîret kenê ke xo biresnê her kesî, bêcîyatîye paştî û hetkarîye bidê her kesî. Destpêk de ma Komîsyona Weşîye ya Merkezîye awan kerd ke 35 doktoran ra yena meydan. Ma zanayîşê ke Rêxistina Weşîye ya Dinya dayê welatanê ke ma tede ciwîyenê bi ziwanê înan vila kerdî. Seba ke şarê ma janî ra bêro pawitene û tedbîrî bêrê caardene ma do xebatanê xo dewam bikerê. Ma prosesêkî ra derbaz benê ke ganî paştî û jetkarî bidê yewbînan. Ma zanenê ke vera na pendemî her kes paştî bido yewbînan, hetkarîya yewbînan bikero, bi hawayêkê kolektîfî têbigêro ma do bieşkê ke biciwîyê. Coka ma seba hemkarîya pêro dezgehan, welatan ûsn akerde yê.

Eke hewce bibo ma eşkenê sey KCDK-E berê 436 komele û salonanê xo seba xebitnayîşî abikerê. Reyna ma venga her kesî danê ke tedbîran bîyaro ca û her çî ra verî paştî û hetkarîya yewbînan bikero.Ma pêro welatan û herêman ra wazenê ke ganî rêxistinê komelê sivîlî, înîsîyatîfî, wezaretê weşîye yê şaredarîye vera Korona koordînasyonê xo awan bikerê û metodanê çareserîyan ê hemparan aver berê. Ganî pêro beşî, zanayîşî, ceribnayîşî û xebatî pîya bêrê kerdene. Sena koçberan, kokiman, hewcedaran herêmî karanê hemparan bikerê. Ma weşîya ê bînan ra zî mesûldar ê. Ganî ma na hîşmendîye, hîsê hemparî û paştdayîş aver berê. Kampanyaya 'Keye de bimane' seba her kesî derbazdar a la ganî ma paştdayîşê komelî zî aver berê.''