Kongreya Komelî yê Kurdîstanijanê Demokratîkan ê Ewropa (KCDK-E) bi eşkerayîya nuştekîye semedê tewrbîyayîşê rayraşîyayîşan ê ke do 2ê êlule de vera tecrîdê serê Rayberê Şarê Kurdî Abdullah Ocalanî bêrê kerdene, veng da.

Eşkerayîye de nê ameyî parekerdene:

"Seke yeno zanayene tecrîdê serê Rayber Apoyî semedê vergirewtişê çarserkerdişê meseleya kurdan o. Tecrîdo ke bi destê hêzanê mîyanneteweyî yeno rayraberdene hêrişê vera azadîye, demokrasî û çarserkerdişê meseleya kurdan temsîl keno.  Ganî meseleya kurdan bêro çareserkerdene, ganî verê pêkewtişanê menfeatî û şerî bêro girewtene. Ganî estbîyayîş û îradeyê kurdan ê azadan nêro çînkerdene.

Rayber Apo sere de Amerîka û Tirkîya hetê hêzanê mîyanneteweyî ra binê tecrîdî de yeno tepiştene. Tewr zaf Amerîka û hêzê sîstemê modernîteya kapîtalîste paştî danê dewleta tirke ya qirkere. Nê hêzî bi nê paştdayîşî qirkerdişê vera kurdan de cayê xo genê û benê hemkarê sûcê dewleta tirke. Ganî Amerîka û hêzê mîyanneteweyî paştî medê dewleta tirke ya îşxalkere.

Tecrîdê 25 serran rewşa welatî her hetî ra xirab kerde. Dewleta tirke bi paştdayîşê NATOyî Kurdîstan de çekê kîmyewîyî zî tede bi her qeyde metodan gonî rişnena.Rayber Apoyo ke îradeyê şarê kurdî yo ganî cade serbest bêro veradayene.

Vengdayîş

Ma veng danê şar û dostanê xo ke wa semedê azadîya Rayber Apoyî têkoşînî xurtêr bikerê. Ganî Rayber Apo cade serbest bêro veradayene û şertanê azadan de têkoşînê azadîye û demokrasîyî bikero.

2ê êlule de do bi şîarê 'Rayberîya Azade Şaro Azad o'  heme Ewropa, Awusturalya  û Kanada de do rayraşîyîşî bêrê kerdene.  Strasbourg de do rayraşîyayîşo merkezî bêro kerdene ke başûrê Almanya û Swîsre ra kurdî û dostê înan do tewrê ci bibê.

Adresê rayraşîyayîşî: Place de la république 67000 Strasbourg, saete:10:00."