KCDK-E bi eşkerayîyêke venga pêro kurdîstanijan û dostanê înan da ke 18ê teşrîna peyêne de Berlin de û xeylêk şaristanan de vera qedexeyê serê PKKyî tewrê rayraşîyayîşan û çalakîyan bibê.

Eşkerayîye de dîya zanayene ke 1993 de dewleta Almanya pêro aktîvîte û çalakîyê PKKyî waştişê dewleta tirke ser o qedexe kerdî.  KCDK-E pare kerd ke ke bi nê qedexeyî kurdî krîmînalîze bîyê û meseleya kurdan bêçare ameye verdayene. KCDK-E îfade kerd ke qedexeyê vera PKKyî antîdemokratîk o.

KCDK-E bale ante ser ke Mehkemeya Belçîka 2020 de PKK sey 'rêxistinêka têkoşînî' şinasnaya û ard ziwan ke rixmê na bire zî qedexeyê PKKyî dewam keno.

KCDK-E vat: ''Wextê ci ameyo ke qedexeyê vera PKKyî biqedo û PKK lîsteya terorî ra bêro vetene. 18ê teşrîna peyêne de vera qedexeyê serê PKKyî sere de Berlin xeylêk cayanê Almanya de rayraşîyayîş û çalakîyê protestoyî do bêrê kerdene. Sere de kurdîstanijî ma venga pêro waştoxanê azadîye û têdûştîye danê ke wa tewrê nînan bibê.''