Hemserekîya Konseya Rayberdişî ya KCKyî bi mesajêkî serra newîye ya şaran fîraz kerde.

Mesaj wina yo:

''Ma kewenê serra mîlade ya newîye ke seba Xirîstîyanan yena manaya Noelî û hetê dinya ra ewro yena fîrazkerdene. Ma Noelê alemê Xirîstîyanan fîraz kenê. Ma sere de yê şarê ma serra newîye ya pêro şaranê Rojhelatê Mîyanênî û dinya fîraz kenê. Ma hêvî kenê ke serra newîye şaran, cinîyan, bindestan û pêro merdimatîye rê azadîye bîyarê.

Serra 2023yî Kurdîstan de û her cayê dinya de bîye serra têkoşînê vera sîstemê modernîteya kapîlasîste û qirkere. Cinî, ciwan, kedkar û pêro beşanê komelî yê bindestan emnser bêmabên têkoşîn kerd û hêvîya komelê têdûşt û azade zêdînaye. Taybetmendîyanê 2023yî ra yewe zî na ya ke emser hîsê paştdayîşî yê têkoşêranê azadîye zêdîyayê û global bîyê. Na rewşe bi Hemleya seba Azadîya Rayber Apoyî gêş bîye. Hemleya Abdullah Ocalanî rê Azadîye, Meseleya Kurdan rê Çareserîya Sîyasîye startê têkoşînêkê neweyî da. Ma na hemle de her kesî rê serkewtiş wazenê. 

Oyo ke vera sîstemê modernîteya kapîlaste têkoşîn keno şarê Kurdîstanî yo welatperwer o. Şarê Kurdî Rojhelat, Rojawan, Vakur, Başûr, Şingal, Mexmûr û teberê welatî de têkoşîn kerd û emser zî hêvîya serkewtişî pîl kerde. Şarê kurdî vera teda û hêrişan bi şîarê 'Berxwedan Jiyan e' û 'Jin, Jiyan, Azadî' xo ver da û planê dişmenî pûç kerdî. Şarê kurdî bi nê hawayî şaranê dinya rê zî serkêşîye kerde. 

Bêguman gerîlayan vera hêrişanê modernîteya kapîtalîste û kolonyalîste xo ver da û netîceyî afernayî. Gerîlayan pêro hêrişê dişmenî bi ruhê Apogîrî şiknayî û ê bîyî layîqê pênaseyê gerîlayê modernîteya demokratîkeç Gerîlayan hêvîya serkewtişî pîl kerde, hewesê têkoşînî zêdîna û şarê ma pawit. Bi na wesîle ancî ma bi hîsanê germînan gerîlayan fîraz kenê û înan rê serkewtiş wazenê.

Sîstemê modernîteya kapîtalîste serr 2023yî de ancî bi şer, qirkerdiş, kolonyalîzm, koçkerdiş, sefalet û talanî eşkera bi. Gazze de ancî dîyar bi ke modernîteya kapîtalîste şer, xesp û talanî ra ber çîyêk nêkena. Sere de Amerîka, Îsraîl û Tirkîya pêro dewletî goreyê menfaetanê xo têgêrenê. Şaranê dinya paştî daye Gazze û şarê kurdî û bi nê hawayî mojna ke hînî ê nêwazenê binê îqtîdarê sîstemê modernîteya kapîtalîste de bimanê. Coka sîstem zî tewr zaf hêrişê kurdan û filîstînijan keno. La heta ke nê wird meseleyî çareser nêbê ne Rojhelato Mîyanên ne zî dinya do azad bibê.

2024 de mesuldarîya ma ya tarîxîye na ya ke ma sîstemê qirkerî û modernîteya kapîtalîste birijnê û Modernîteya Demokratîke hîna zaf bivisnê dewre. Ma do serra 2024yî bikerê serra azadîye û serkewtişî. Ma venga şarê ma û pêro terefgîranê dinyaya azade danê ke 2024 de têkoşînî geş bikerê û serkewtişî bîyarê ca.''