Hemserekîya Konseya Rayberdişî ya KCKyî bi wesîleya serrgêra 28. Ya şehadetê Zîlane (Zeynepe Kinaci) eşkerayîya nuştekîye daye.

Hemserekîye bi hurmet yad kerd û nê vatî: ''Hemra Zîlane bi cuye û çalakîya xo ma rê nê vatî; Heta ke çalakîya girde nêro kerdene, merdim nêeşkeno bibo azad; eke ma bênê azad, cuye kenê azad, ganî ma bibê wayîrê çalakîya girde, ganî ma bibê merdimê têkoşînî. Rayber Apoyî vatbi heta ke Kurdîstanî de zanayîşê azadîye mebo û semedê azadîye têkoşîn mero kerdene cuye nêbena û têkoşînê azadîye bi nê felsefeyî dabi destpêkerdene. Rayber Apoyî gama ke cuye modernîteya kapîtalîste analîz kerd, vat no tesbîtê ey têna semedê Kurdîstanî nê, semedê dewrê me her ca de vîyartbar o. Hemra Zîlane no heqîqeto ke Rayber Apoyî ard ziwan tewr xorî ra ciwîyayî.

Nê hetî ra kesîya Zîlane kesîya tewr nêzdîya Rayber Apoyî ya. Rixmo ke aye Rayber Apoyî rî bi rî nêdîyo hende tira bîya nêzdî, ey de bîya yew. Xora Rayber Apoyî na raştîye eşkera arde ziwan. No netîceya afirnayîşê xorîbîyayîşê û papestîyayîşê azadîye yo. Nê hetî ra Zîlane nameyê famkerdişê Rayber Apoyî û ey de yewbîyayîşî ya. Eke ma wazenê Raybe Apoyî fam bikerê ganî ma bibê sey Zîlane, sey aye biciwîyê, sey aye têkoşîn bikerê.

Hetêko bîn ê pîlîya Zîlane zî vera zîhnîyetê camêrdê serdeştî şer kerd û bin fîna. Bi çalakîya xo mojna ra ke tewr welatperwer, tewr komelî, tewr fedakar û tewr azadîwaştox  cinî ya. Bi nê tewirî camêrdîya serdestî ra hesab persaye, neheqîya tarîxî wedarti û heqê heqdarî da ci.   Ewro na xete bi slogana  ‘JIN JIYAN AZADÎ’ bi têgêrayîşo tewr pîl yê azadîye.

Bêşik kesîya Zîlane de îfadeyo esasî fedayîtîye de vejîyaye titîkî. Hemra Zîlane xo xeta Egîdî de rêxistin kerd û na xete vete titîkî. Bi taktîk û terzê ke afirna morê xo da gerîlatîye ro. Vatişê teknîko tewr gird însan o yê Rayber Apoyî îspat kerd.Gerîlayê Azadîye yê Kurdîstanî bi nê zanayîşî vera artêşa qirkere şer kenê.''