Waştişê Serdozgerê Komare yê Mehkemeya Berze Bekîr Şahînî ser o derheqê HDPyî de dewaya qefilnayîşî amebî akerdene. Şahînî derheqê dewaya qefilnayîşî de eşkerayîye (pawitişo fekkî) da Mehkemeya Qanûnê Bingeyî (AYM).

Şahînî dima AYM de rojnamegeran rê qisey kerd. Şahînî tîya de îdîa kerd ke têkilîya HDPyî ya bi PKKyî raşt a û seba ney zî keyeyê ke verê bînaya HDPyî ya Amedî de ameyî roniştene, sey delîlî mojnayî. Şahînî pare kerd ke derheqê qefilnayîşê HDPyî de înan pêro delîlî pêşkêş kerdê û hînî bire Mehkemeya Berze do biba.

Wextê dewaya qefilnayîşî de Serdozgerîya Komare ya Mehkemeya Berze eşkena delîlanê zêdeyan pêşkêşê dosya bikera. HDP pawitişê xo pêşkêşê AYMyî kerdbî. Eşkerayîya Şahînî ra dima HDP zî do pawitişê xo yê fekkî bikero. Dima raportorê AYMyî do raporê xo binuso û derheqê qefilnayîşî de nîqaşî do dest pêbikerê. Heyetê AYMyî yo ke 15 kesan ra yeno pê do bira qefilnayîşî bido.

Bira AYMyî Rojnameyê Fermîyî de do bêro weşanayene.